Ævintýramaðurinn Sir Edmund Hillary látinn

Sir Edmund Hillary er látinn 88 ára gamall. Hans verður ætíð minnst í sögunni sem mannsins er fyrstur komst á toppinn á Everest-fjalli, hinu hæsta í heimi.

Sir Edmund Hillary var einn mesti ævintýramaður tuttugustu aldarinnar, náði heimsfrægð og varð um leið þjóðsögn í lifenda lífi er hann steig á toppinn á Everestfjalli þann 29 maí 1953, deginum áður en Elísabet bretadrottning var krýnd. Með honum íför var leiðsögumaður hans, serpinn Tenzing Norgay.

Sir Edmund er fæddur og uppalinn á Nýja-Sjálandi og strax á unglingsárunum varð hann þekktur fyrir fimi í fjallgöngum og ísklifri í heimalandi sínu. Hann barðist sem flugmaður í Nýsjálenska flughernum í seinni heimstryjöldinni.

Eftir að hann hafði klifið á topp Evrest fjalls tók Sir Edmund þátt í mörgum ævintýraferðum víða um heiminn. Meðal annars keyrði hann dráttarvél á Suðurpólinn nokkrum árum seinna.

Þeir sem þekktu Sir Edmund persónulega lýstu honum sem einstaklega hógværum og lítillátum manni. Sjálfur sagði hann eitt sinn að hann væri aðeins venjulegur Nýsjálendingur með hæfileika í meðallagi. Á sínum efri árum beitt hann sér mikið í þágu fjallafólksins í Nepal og hann var gerður að heiðursborgar þar í landi árið 2003.