Tveimur konum sleppt eftir fimm ár í gíslingu

Tveimur konum sem verið hafa gíslar skæruliði í Kólombíu hefur verið sleppt úr haldi eftir rúmlega fimm ára dvöl í frumskóginum

Báðar konurnar þakka Hugo Chavez forseta Venesúela fyrir að vera lausar úr haldi en Chavez hafði beitt sér fyrir lausn þeirra. Konunum var rænt af Farc skæruliðasamtökunum á árunum 2001 og 2002. Þær voru við merkilega góða heilsu er þær komu til Caracas höfuðborgar Venesúela með einkaþotu í gærkvöldi.

Önnur konan eignaðist son með einum af skæruliðunum fyrir þremur árum síðan. Hafði hún ekki séð son sinn í yfir tvö ár þarsem honum hafði verið komið fyrir á fósturheimili í Bogatá.

Talið er að skæruliðar Farc séu með yfir 40 gísla í haldi í frumskógum Kólombíu og hafa sumir gíslanna verið í haldi hjá skæruliðunum í yfir 20 ár. Farc aðhyllist marxíska hugmyndafræði og er samtökunum enn stjórnað af þeim sem stofnaði þau árið 1964.

Kólombísk stjórnvöld hafa lengi staðið í samningaviðræðum við Farc um lausn gíslanna sem samtökin hafa í haldi. Það bar engan árangur þar til Hugo Chavez var beðinn um að miðla málum.