Þingkosningar á Ítalíu 13. og 14. apríl

Ákveðið var á ríkisstjórnarfundi á Ítalíu í dag að boða til þingkosninga í landinu dagana 13. og 14. apríl.

Fyrr í dag rauf þingforsetinn Giorgio Napolitano þing þar sem hvorki hafði gengið né rekið að mynda bráðabirgðaríkisstjórn eftir að stjórn Romanos Prodi hrökklaðist frá völdum í síðasta mánuði.

Prodi stjórnar ríkisstjórnarfundum þó enn þá en Silvio Berlusconi, fyrrverandi forsætisráðherra og leiðtogi hægri manna á Ítalíu, hefur haft uppi háværar kröfur um kosningar.

Ríkisstjórnin sem tekur við eftir kosningar í apríl verður sú sextugasta og önnur í landinu frá lokum síðari heimsstyrkjaldar og benda skoðanakannanir til þess að Berlusconi leiði hana.