Adebayor kláraði West Ham

Emmanuel Adebayor kom inn á sem varamaður í liði Arsenal og sá til þess að það ynni 2-0 sigur á West Ham í dag.

Fyrri hálfleikur var markalaus en skömmu áður en fyrra mark Arsenal kom átti Robin van Persie skot í stöng beint úr aukaspyrnu. En það var Adebayor sem skapaði fyrra markið.

Hann átti skot að marki sem Julien Faubert stýrði reyndar í eigið mark.

Það var svo í blálok leiksins að Adebayor fékk langa sendingu frá Nicklas Bendtner. Rob Green markvörður reyndi að verða fyrri til að ná í boltann en Adebayor lék á hann og skoraði í autt markið.

Carlton Cole, leikmaður West Ham, fékk svo að líta rauða spjaldið fyrir tæklingu á Alex Song.