Hafa fundið lík af sex mönnum í rústum húss í Drammen

Lögregla og björgunarlið hafa fundið lík sex manna eftir stórbruna í gömlu húsi í Drammen í Noregi í gærmorgun. Eins er enn saknað og er hans leitað í rústum hússins.

Talið er að um 20 pólskir verkamenn hafi búið í húsinu og komst stærstur hluti þeirra undan í brunanum. Rannsókn á eldsupptökum er nýhafin en hún reynist ekki auðveld þar sem stór hluti hússins er brunninn og hætta er að það hrynji.

Íbúarnir segja sjálfir að þeir telji að kviknað hafi í út frá rafmagni en lögreglan mun meðan annars kanna hvort það hafi hugsanlega verið fjárkúgarar sem lögðu að því eld vegna þess að íbúarnir hafi ekki viljað borga.