Saha tryggði Everton sigur á Fulham

Franski framherjinn Louis Saha skoraði sitt fyrsta mark fyrir Everton í dag þegar hann tryggði því 1-0 sigur á Fulham í fyrsta leik dagsins í ensku úrvalsdeildinni.

Mark Saha kom á 87. mínútu eftir að gestirnir höfðu átt nokkuð góð færi. Þetta var fyrsti heimasigur Everton á leiktíðinni og kærkomið mark fyrir varamanninn Saha sem lék í fjögur ár með Fulham á sínum tíma.

Everton er í sjöunda sæti eftir sigurinn en Fulham í því fjórtánda, en staða liðanna gæti auðvitað átt eftir að breytast mikið í dag þegar fjöldi leikja er á dagskrá.