ESB fyrsta hagkerfið gegn gróðurhúsaáhrifum

Jose Manuel Barroso forseti framkvæmdastjórnar Evrópusambandsins hefur kynnt áform um að gera Evrópu „fyrsta hagkerfið með takmarkaðan útblástur gróðurhúsalofttegunda." Hann segir Evrópubúa vilja framtíðarsýn og aðgerðaráætlun gegn loftslagsbreytingum. Áætlunin muni kosta hvern Evrópubúa þrjár evrur á viku, eða sem svarar 293 krónum.

Markmiðið er að minnka losun gróðurhúsalofttegunda um 20 prósent fyrir árið 2020. Ef átakið verði á alþjóðavísu verði prósentutalan 30.

Barroso segir kostnaðinn við átakið vera yfirstíganlegt og Evrópa eigi að vera leiðandi í þessum efnum. Nú þegar hefur vinna hafist við að helminga útblástur fyrir árið 2050.