Sjálfstæði Kosovo „spurning um daga“

Forsætisráðherra Kosovo Hashim Thaci sagði fréttamönnum í dag að sjálfstæisyfirlýsing héraðsins yrði birt innan nokkurra daga. Eftir fund með Javier Solana utanríkisráðherra Evrópusambandsins í Brussel sagði hann að farið yrði eftir gildandi verklagi og leitað ráðgjafar.

Tæknilega er Kosovo enn hérað í suðurhluta Serbíu, sem er sterklega á móti sjálfstæði héraðsins.

ESB hefur óskað eftir að leiðtogar Kosovo bíði þar til Sameinuðu þjóðirnar afhenda borgaralega gæslu til héraðsins.

Framtíðarstaða Kosovo er einnig mikilvægt málefni fyrir aðra umferð forsetakosninganna í Serbíu sem fram fara 3. febrúar. Þá verður kosið á milli sigurvegara kosninganna, hins róttæka þjóðernissinna Tomislav Nikolic, og sitjandi forseta Serbíu Boris Tadic.