Peter Hain segir af sér

Peter Hain atvinnu- og eftirlaunaráðherra Bretlands sagði af sér í dag eftir að kjörnefnd tilkynnti að hún hefði vísað máli sem tengist framlögum í kosningasjóð hans til rannsóknar lögreglunnar. Hain sem einnig fer með málefni Wales í ríkisstjórninni mun ekki hafa gefið upp rúmlega 13 milljón króna framlag í sjóðinn fyrr en of seint. Hann sagði af sér örfáum mínútum eftir að niðurstaða nefndarinnar var ljós.

„Ég sé alvarlega eftir að hafa gert þau mistök að gefa framlagið ekki upp fyrr en of seint," sagði hann í ræðu fyrir utan Atvinnu- og eftirlaunaráðuneytið. Hann kenndi um lélegri stjórnun á kosningasjóðnum og sagði að ásökun um að hann hefði reynt að fela mistökin væri fáránleg.

Hain er fyrsti ráðherrann sem segir af sér í stjórn Gordon Brown.