Tungumál deyr út með síðasta Eyakinum

Kona sem talin er vera síðasti Eyakinn og sú eina sem talaði Eyak tungumálið í norðvesturhluta Alaska, er látin. Marie Smith Jones lést á heimili sínu í Anchorage 89 ára að aldri. Hún var ötull talsmaður þess að varðveita Eyak tungumálið og hjálpaði háskólanum í Alaska við að taka saman orðabók í tungumálinu. Þannig vonaðist hún til að komandi kynslóðir gætu endurvakið það.

Næstum 20 önnur tungumál í Alaska eiga á hættu að gleymast og hverfa.

Fjölskylda Jones lýsir henni sem smávaxinni og afar sjálfstæðri keðjureykingarkonu. „Við vitum ekki betur en hún hafi verið síðasti Eyakinn af báðum ættum, " sagði dóttir hennar í viðtali við AP fréttastofuna. „Hún upplifði ótrúlegt andstreymi í lífinu og komst yfir það. Hún var eins þrautseig og nokkur maður getur orðið."