Mubarak varar Ísraela við afleiðingum á Gaza

Hosni Mubarak forseti Egyptalands hringdi í forsætisráðherra Ísraels til að vara hann við afleiðingum þess að setja Gaza strönd í herkví. Samkvæmt heimildum Mena fréttastofunnar lagði Mubarak áherslu á að stöðva yrði yfirgang Ísraela gegn palestínsku þjóðinni.

Arababandalagið hefur blásið til neyðarfundar vegna málsins og Evrópusambandið hefur fordæmt hefndaraðgerðirnar á Gaza. Í gær fór rafmagn af þegar Ísraelar slökktu á einu orkustöðinni sem veitir rafmagn til svæðisins. Verksmiðjustjórnendur segðu að þeir hefðu ekki eldsneyti eftir að Ísraelar skrúfuðu fyrir ákveðnar tegundir eldsneytis og lokuðu fyrir flutninga yfir landamæri.