Tekið verði tillit til skýrslu við ákvörðun refsiaðgerða

Sergei Lavrov, utanríkisráðherra Rússlands, segir að taka þurfi tillit til nýrrar skýrslu bandarískra leyniþjónustustofnana þegar ræddar verði frekari refsiaðgerða gegn Írönum vegna kjarnorkuáætlunar þeirra.

Í skýrslunni segir að stjórnvöld í Teheran hafi lagt áform um smíði kjarnorkuvopna á hilluna fyrir fjórum árum. Bush Bandaríkjaforseti sagði í gær að það breytti því ekki að Íranar og kjarnorkuáætlun þeirra væru ógn við umheiminn.

Íranar líta á skýrsluna sem sigur. Í morgun sagði Ahmadinejad Íransforseti að ekki yrði hvikað frá markaðri stefnu.