Segir stjórnarandstöðuna í Kenýa hafa framið versta glæp

Mikil óvissa er um úrslit í þing- og forsetakosningum í Kenýa. Forseti landsins, Mwai Kibaki, segir að stjórnarandstaðan hafi framið hinn versta glæp gegn lýðræðinu með því að lýsa yfir sigri í kosningunum. Stjórnarandstaðan segir að ekki sé einleikið hversu langan tíma taki að tilkynna um úrslit.

Stjórnarandstöðuleiðtoginn Ræla Odinga hvetur forsetann til að viðurkenna ósigur sinn eða leyfa endurtalningu atkvæða. Kosningaeftirlitsmenn Evrópusambandsins segja að stórt spurningamerki sé yfir talningu atkvæða. Víða hafi eftirlitsmönnum verið úthýst af talningastöðum. Þeir segja sömuleiðis að furðumikil kosningaþátttaka hafi verið á svæðum þar sem forsetinn hefur mikinn stuðning, allt upp í 99 prósent.

Óttast er að mikil reiði muni brjótast út og verði Kibaki forseti lýstur sigurvegari við þessar aðstæður.