Erlent

Lýstu yfir sigri í kosningum í Kenía

Stjórnarandstæðingar í Kenía lýstu í morgun yfir sigri í forsetakosningum sem fóru fram í landinu á fimmtudag. Ræla Ódinga, frambjóðandi þeirra, er með fjögurra prósenta forskot á Mvæ Kíbakí, sitjandi forseta, þegar búið er að telja þrjá fjórðu greiddra atkvæða.

Forsetinn og stjórnarflokkurinn viðurkenna hins vegar ekki ósigur - vilja bíða þess að fá lokatölur. Einnig var kosið til þings í Kenía í vikunni og benda fyrstu tölur til þess að fjölmargir þingmenn stjórnarflokks forsetans hafi misst þingsæti sín - þar á meðal sextán ráðherrar.

Til átaka kom í nokkrum borgum Kenía vegna þess hve langan tíma það hefur tekið að telja atkvæði.




Fleiri fréttir

Sjá meira


×