Aftur farið að fljúga frá Heathrow

Tugum flugferða frá Heathrow flugvelli í Lundúnum hefur verið aflýst um helgina vegna veðurs. Nú er aftur farið að fljúga en óvíst er hvort allir komast í flug fyrir jólin.

Flugvél Icelandair sem á að leggja af stað klukkan eitt er þó á áætlun. Þoka hefur legið yfir Heathrow alla helgina með þeim afleiðingum að aflýsa þurfti 90 brottförum og 112 lendingum um helgina. Um eitt þúsund manns gistu á flugvellinum í von um að það rofaði til.

Veðurfræðingar segja að hlýrra veður sé nú komið og þokan að víkja. Brottför flugvélar Icelandair er á áætlun klukkan eitt í dag. Einhver vandræði voru einnig á öðrum flugvöllum en flug British Airways til Íslands frá Gatwick kom á tilsettum tíma í morgun og nú rétt fyrir fréttir var flugvél Iceland Express frá Stansted að leggja af stað frá Stansted til Íslands.

"Flugfélögin geta endurgreitt miðann eða komið þér á hótel en það er ekki mikil sárabót ef þú missir af jólunum," segir Calder.

Í Bandaríkjunum er líka vont veður og þar fengu þúsundir manna að bíða klukkustundum saman á flugvöllum, einkum í Miðvesturfylkjunum.