Handritshöfundar snúa aftur að samningaborðinu

Handritshöfundar í Hollywood sneru að samningaborði með fulltrúum helstu kvikmynda- og sjónvarpsþáttaframleiðendanna í gær í fyrsta sinn síðan að verkfall þeirra hófst fyrir þremur vikum. Handritshöfundar eru sagðir vera í hörðustu launadeilu sem þeir hafi átt í tvo áratugi en deilt er um það hversu stóran hlut þeir eigi að fá af þeim hagnaði sem fæst af sölu á kvikmyndum á Netinu. Þegar handritshöfundar fóru í verkfall árið 1988 stóð það í fjórar vikur og kostaði iðnaðinn að minnsta kosti 30 milljarða íslenskra króna. Að mati hagfræðinga gæti sú upphæð tvöfaldast ef verkfallið verður jafn langt nú og það var þá.