Unglingsstúlka vistuð í karlafangelsi

Brasíliska þjóðin er slegin yfir fréttum þess efnis að aðeins 15 ára stúlka þar í landi var sett í fangaklefa með yfir 20 karlmönnum og haldið þar í mánuð.

Mátti stúlkan þola ítrekaðar nauðganir á hverjum degi af hálfu hinna fangana. Hún slapp fyrst úr haldi eftir að stærstu sjónvarpsstöð landsins barst ábending um málið.

Stúlkan var upphaflega fangelsuð vegna gruns um aðild að ráni. Fangelsi í Brasilíu eru alræmd fyrir að þar sitja inni langtum fleiri en pláss er fyrir en nú er hafin opinber rannsókn á tildrögum þess að stúlkan var vistuð í karlaklefa.