Skógarbjörn stal bíl í New Jersey

Lögreglan í New Jersey í Bandaríkjunum segist fullviss um að svartur skógarbjörn hafi stolið smárútu og farið í bíltúr. Dave Dehard lögreglumaður fann rútuna utanvegar við Vernon samkvæmt heimildum Court TV. Farþegarúðan hafði verið brotin og dyrnar skemmdar.

Talsmaður lögreglunnar sagði að rannsókn á þeim mikla fjölda bjarnarhára sem fundust inni í rútunni hefði leitt til þessarar niðurstöðu. Björninn hafi laðast að bílnum vegna sætinda sem þar voru, rekið sig í handbremsuna og runnið af stað einhverja 15 metra.