Danir og Norðmenn auka herstyrk sinn í Afganistan

Norðmenn ætla að auka liðsstyrk sinn í Afganistan á næsta ári. Þangað á meðal annars að senda tvær eða þrjár þyrlur. Einnig 150 manna sérsveit sem mun starfa í Kabúl. Þá munu Norðmenn fjölga liðsforingjum sem eiga að hjálpa til við að þjálfa afganska her- og lögreglumenn.

Um það bil 500 norskir hermenn eru nú í Afganistan. Danir ætla einnig að senda liðsauka til Afganistans á næsta ári.

Meðal annars verða sendir þangað nokkrir skriðdrekar. Bæði Danmörk og Noregur sendu einnig hersveitir til Íraks en danska liðið er að mestu komið aftur til síns heima.