Afplánaði stuttan dóm á Litla-Hrauni

Maðurinn var við fulla heilsu þegar klefum fanganna var lokað kvöldið áður en var látinn þegar fangaverðir opnuðu klefann í eftirlitsferð um fangelsið um nóttina.

Að sögn Valtýs höfðu hvorki fangar né fangaverðir tekið eftir neinu í hegðun mannsins sem benti til þess að hann væri í sjálfsvígshugleiðingum. Maðurinn hefði hafið afplánun í júlí síðastliðnum og um hafi verið að ræða nokkurra mánaða dóm.

Aðspurður segir Valtýr andlátið hafi fengið á bæði starfsfólk fangelsins og fanga en maðurinn var einn í klefa. Farið hafi verið yfir vinnubrögð í fangelsinu og ekkert bendi til þess að mistök hafi átt sér stað. Lögreglan á Selfossi rannsaki málið þó áfram.

Valtýr segir sem betur fer ekki algengt að fangar svipti sig lífi í íslenskum fangelsum. „Það er vel fylgst með mönnum og við reynum að þjálfa fólk í að greina hvort hætta sé á menn grípi til slíks," segir Valtýr.