Varmársamtökin með skemmtun í Álafosskvos

Varmársamtökin í Mosfellsbæ efna til skemmtunar í Álafosskvosinni klukkan fjögur í dag með það að markmiði að hvetja til samstöðu í baráttunni um að framkvæmdir við Varmá í Mosfellsbæ verði settar í mat á umhverfisáhrifum. Með uppákomunni vilja samtökin ennfremur vekja athygli landsmanna á því að lögð hefur verið tengibraut um Álafosskvos án deiliskipulags. Samtökin hafa með liðsstyrk Álfyssinga, fengið listamenn til liðs við sig sem ætla skemmta gestum og gangandi.