Sigrún Vala með nýtt lag

Átján ára stúlka frá Selfossi, Sigrún Vala, gaf nýverið út sitt annað lag sem heitir Ekki gera neitt. Það fyrra, Því ástin, gaf hún út þegar hún var aðeins fimmtán ára og komst það í fína spilun á útvarpsstöðvunum.

Bæði lögin eru unnin af Grétari Örvarssyni en þau voru fengin í gegnum sænskt útgáfufyrirtæki. Ingibjörg Gunnarsdóttir semur textana og Regína Ósk er í bakröddum. Sigrún, sem bar sigur úr býtum í söngvakeppni Fjölbrautaskóla Suðurlands, stefnir á að gefa út sína fyrstu sólóplötu næsta haust.