Skelfing um borð í Norrænu

Einhverjir meiddust, en þó ekki alvarlega, og skelfing greip um sig meðal farþega, þegar ferjan Norræna valt mikið til annarar hliðar í óveðri á milli Noregs og Færeyja í fyrrinótt. Talið er að í veltunni hafi skrúfa skipsins farið upp úr sjó og yfirsnúningur komið á aðalvélina, þannig að sjálfvirkur búnaður drap á vélinni.

Rak skipið undan veðri og vindi um sinn, eða þar til varaafl komst á. Kom þá í ljós að jafnvægisuggar höfðu laskast, bílar skemmst í lest og leirtau brotnað í matsölum. Alls voru 325 manns um borð og er skipið væntanlegt til Færeyja í kvöld. Þetta er þriðja áfallið sem ferjan verður fyrir síðan hún var tekin í notkun fyrir nokkrum árum.

Hún varð fyrir ámóta áfalli á leið milli Færeyja og Íslands í hitteðfyrra og svo rakst hún á bryggjukant í óveðri í Færeyjum sama ár