Carlos spilaði 100. leikinn

Brasilíski bakvörðurinn Roberto Carlos hjá Real Madrid vill eflaust gleyma leiknum gegn Lyon í meistaradeildinni í kvöld sem fyrst, en hann náði þó merkum áfanga í leiknum. Carlos spilaði í kvöld sinn 100. leik í meistaradeildinni, en leikjahæstur frá stofnum deildarinnar er félagi hans Raul með 102 leiki.

Leikjafjöldinn miðast við spilaða leiki í riðlakeppni og úrslitum, en leikir í forkeppni telja ekki. Raul hefur spilað 102 leiki, Carlos 100 leiki, David Beckham hefur spilað 98 leiki, Paolo Maldini 97 leiki, Oliver Kahn 95 leiki, Gary Neville 95 leiki og Luis Figo 93 leiki.