Veislan heldur áfram í kvöld

Knattspyrnuveislan sem fylgir meistaradeild Evrópu heldur áfram á sjónvarpsstöðinni Sýn í kvöld, þegar áskrifendur geta valið um þrjá stórleiki til að fylgjast með í beinni útsendingu. "Baráttan um Bretland" - leikur Manchester United og Celtic, verður sýndur beint á Sýn. Leikur Lyon og Real Madrid er sýndur beint á Sýn Extra og þá verður slagur Hamburg og Arsenal í beinni á Sýn Extra 2. Útsending frá öllum leikjunum hefst klukkan 18:30.

Þá verða þeir Heimir Karls og Guðni Bergs að sjálfssögðu á sínum stað með mörkin úr öllum leikjum kvöldsins, en upphitun fyrir leiki kvöldsins hefst klukkan 18:00 og þá hefst þátturinn meistaradeildin með Guðna Bergs eftir leik Manchester United og Celtic klukkan 20:40.