Barcelona mætir Liverpool

Í morgun var dregið í 16-liða úrslit Meistaradeildar Evrópu. Eiður Smári Guðjohnsen og félagar í Barcelona mæta enska liðinu Liverpool, en þetta eru sigurvegarar keppninnar síðustu tvö ár. Þá mætir Jose Mourinho sínum gömlu félögum í Porto með liði Chelsea.

Manchester United mætir franska liðinu Lille og Arsenal fékk hollenska liðið PSV Eindhoven. Þá verður sannkallaður risaslagur þegar Real Madrid og Bayern Munchen mætast.

Hér fyrir neðan má sjá hvaða lið drógust saman en fyrrnefnda liðið fær heimaleikinn fyrst, en fyrri leikirnir fara fram 21. og 22. febrúar og síðari leikirnir 6. og 7. mars.

Porto - Chelsea

Celtic - AC Milan

PSV - Arsenal

Lille - Manchester United

Roma - Lyon

Barcelona - Liverpool

Real Madrid - Bayern München

Inter - Valencia