Ekki auðvelt líf

Poppdrottningin Jessica Simpson á ekki auðvelt líf þessa dagana því strákarnir í sjónvarpsþættinum Jackasss hafa nú samið um hana lag með klúrum texta sem mun koma í þættinum innan skamms. Söngkonan á að hafa verið með Bam Margera einum af Jackass strákunum eina nótt og bráðum fær allur heimurinn að vita hvað gerðist þessa nótt. Jackass strákarnir vilja ekki gefa neitt út á innihald textans en segja hann ekki vera fjölskylduvænan. Simpson skildi nýverið við eiginmann sinn Nick Lachey eins og kunnugt er og hefur greinilega verið iðin við kolann í strákamálum síðan þá.