Ósammála rökstuðningnum

Það er engin hoppandi gleði hjá okkur yfir úrskurðinum. Mér finnst þetta þunnur rökstuðningur og rangur, ég er ósammála honum og tel að hann standist ekki, segir Brynjar Níelsson, lögmaður Jóns Geralds Sullenberger.

Það er bara eins og það er, við erum ekki alltaf sammála í þessari stétt. Um frekari aðgerðir er erfitt að segja, samkvæmt lögum er synjun á frávísun ekki kæranleg til Hæstaréttar. Ég ætla samt að reyna að koma þessu í Hæstarétt með einum eða öðrum hætti og sjá hvort að slíkt ákvæði standist samkvæmt lögum.