Alþjóðasamtök flugumferðastjóra lýsa yfir áhyggjum

Alþjóðasamtök flugumferðastjóra lýsa áhyggjum vegna nýs vaktakerfis íslenskra flugumferðastjóra. Flugumferðarstjórar hafa neitað að vinna yfirvinnu frá því nýtt vaktakerfi var innleitt hjá Flugmálastjórn um miðjan marsmánuð.

Í bréfi til Félags íslenskra flugumferðastjóra, segja alþjóðasamtökin afleiðingar og áhrif óreglulegs vaktakerfis á heilsu og félagslíf starfsmanna áhyggjuefni. Einnig er lýst óánægju með að Flugmálastjórn hafi neytt veikann flugumferðarstjóra til starfa eins og forystumenn Flugumferðarstjórafélags Íslands hafa fullyrt að gert hafi verið.

Alþjóðasamtökin segja slík vinnubrögð óréttlætanleg. Þau gangi þvert á tilraunir alþjóðlegs flugsamfélags sem og Flugmálastjórnar Íslands til að vinna að auknu flugöryggi. Samtökin lýsa yfir stuðningi við mótmæli Félags íslenskra flugumferðastjóra gegn nýju vaktakerfi sem halda því fram að geti dregið úr öryggi og hagkvæmni flugstjórnar á íslenska flugstjórnarsvæðinu. Alþjóðasamtök flugumferðarstjóra skora á íslensk stjórnvöld að íhuga þau áhrif, af því sem samtökin kalla illa hannað vaktakerfi, geti haft á hæfni starfsmanna í flugstjórn.