Tveir sóttu um embætti lögreglustjóra höfuðborgarsvæðisins

Tveir sóttu um embætti lögreglustjóra höfuðborgarsvæðisins, þeir Ingimundur Einarsson, varalögreglustjóri í Reykjavík, og Stefán Eiríksson, skrifstofustjóri í dóms- og kirkjumálaráðuneytinu. Skipun í embættið er í samræmi við frumvarp dómsmálaráðherra um nýskipan lögreglumála. Þar er meðal annars gert ráð fyrir fækkun lögregluumdæma á landinu úr 26 í 15 en sjö af embættunum verða skilgreind sem lykilembætti. Lögregluembættin á höfuðborgarsvæðinu verða sameinuðu undir embætti lögreglustjóra höfuðborgarsvæðisins og mun lögreglustjóri meðal annars undirbúa sameininguna. Umsóknarfrestur um embættið rann út 3. júlí síðastliðinn.