Vandræði í paradís

Stjörnuparið Angelina Jolie og Brad Pitt virðist eiga í einhverjum erfiðleikum þessa dagana, samkvæmt bandarísku slúðurblöðunum, sem keppast um að birta fréttir af parinu þess efnis að vandræði séu í sambandinu. Þar segir að þau tali varla saman lengur því þegar þau tali saman fari rifrildi af stað.

Angelina er víst orðin svo þreytt á öllum rifrildunum að hún er á barmi þunglyndis og segir sem minnst við Brad. Parið á einnig að hafa lent í rosalegu rifrildi á veitingastað í New Orleans og strunsaði Angelina út af staðnum í fússi. Leikaraparið sjálft hefur hins vegar aðra sögu að segja og Brad segir að ferðin til New Orleans hafi verið kærkomið frí fyrir þau bæði til að endurnýja krafta sína.