Langar í son

Brad Pitt langar mikið til að eignast son af eigin holdi og blóði. Leikarinn kunni hefur tjáð kærustunni, Angelinu Jolie, að hann vilji að þau reyni að eignast annað barn eins fljótt og auðið er. Þetta hefur skapað deilur þeirra á milli því Angelina vill frekar ættleiða fleiri börn. Fyrir á parið tvö ættleidd börn, hinn fimm ára Maddox og hina 18 mánaða gömlu Zahara, auk dótturinnar Shiloh Nouvel sem þau eignuðust fyrir skemmstu.

„Brad vill eignast annað barn, helst strák og hann á ekki að vera ættleiddur. Hann er ákveðinn í að þau eignist barn eftir hefðbundnum leiðum," sagði heimildarmaður New York Post. Angelina vill aftur á móti ekki verða ólétt aftur, vegna þess að það rekst á við vinnu hennar í kvikmyndum.