Lét krúnuna frá sér

Unnur Birna Vilhjálmsdóttir krýndi arftaka sinn í keppninni Ungfrú heimur sem haldin var hátíðleg á laugardaginn í Varsjá í Póllandi. Sú sem bar sigur úr býtum var hin 18 ára Tatana Kucharova frá Tékklandi og sigraði hún 103 stúlkur sem tóku þátt í keppninni.

Aðstandendur keppninnar sögðu að keppninni hefði aldrei borist jafn mikill fjöldi atkvæða en kosið var í gegnum síma og smáskilaboð.

Tatana er háskólanemi í Tékklandi og framtíðarhorfur hennar eru að klára skólann og verða svo fyrirsæta.