Vapp í Viðey

Í kvöld mun Örlygur Hálfdanarson, bókaútgefandi og Viðeyingur, stýra þriðjudagsgöngu í Viðey. Mun hann leiða gesti um æskuslóðir sínar í rústum þorps Milljónafélagsins á Sundbakka Viðeyjar sem stóð þar á árunum 1907-1943. Tæplega 140 manns bjuggu í þorpinu þegar mest var og var þar rekin mikil útgerð og var Viðeyjarbryggja ein umsvifamesta höfn landsins á tímum Milljónafélagsins.

Á göngunni verður áð í skólahúsinu í Viðey þar sem gefur að líta ljósmyndasýningu um mannlíf í Viðey á fyrri hluta 20. aldar og líka í vatnstankinum sem nú er félagsheimili Viðeyingafélagsins. Í tankinum er sýning um strand kanadíska tundurspillisins Skeena sem við Viðey 1944.

Gangan hefst með siglingu úr Sundahöfn klukkan 19:00 og tekur gangan um tvær klukkustundir. Ferjutollur er 750 kr. fyrir fullorðna og 350 kr. fyrir börn en leiðsögnin sjálf er ókeypis.