Alvöru hnakkapartí

„Meiningin er að vera með mjög ýkta hnakkastemmningu á Yello á laugardaginn,“ segir Atli Rúnar Hermannson, eigandi skemmtistaðarins Yello í Keflavík.

„Hugmyndin er að gera aðeins grín að þessum hnakkaheimi en það verða að sjálfsögðu nokkrir opinberir hnakkabílar, eða Subaru Impreza, í hlaðinu og að auki verður leikin hressileg hnakkatónlist í partíinu, sem DJ Heiðar Austmann sér um,“ bætir Atli við og bendir væntanlegum gestum Yello á að það væri ekki verra ef hnakkaútlitið verði haft meðferðis í partíið, sem hefst kl 22.00.

„Ég og Óli Geir, skemmtanastjóri, verðum alveg í hnakkastemmningunni, með strípur í hárinu og „heltanaðir“. Síðan má nefna að allir sem eru með lögheimili á Selfossi fá óvæntan glaðning á barnum,“ segir Atli en andlit partísins er sjálfur Gillzenegger sem prýðir auglýsingaplagöt fyrir uppákomuna.