Leitar að ástinni

Leikarinn og hjartaknúsarinn David Hasselhoff er að leita að eiginkonu um þessar mundir en hann er vandlátur. „Konan verður að vera frægari en ég.“ Um daginn hitti Hassel­hoff bresku leikkonuna Kate Beckinsale á frumsýningu og reyndi hann af öllum mætti að heilla hana upp úr skónum. Hann mun hafa hvíslað í eyra hennar: „Ég gef þér allt sem ég á.“

Beckinsale hló að viðreynslutaktík gömlu Baywatch-stjörnunnar en Hasselhoff stendur í þeirri trú að leikkonan fræga hafi verið mjög spennt yfir að hitta hann.

Hasselhoff er nýskilinn við eiginkonu sína Pamelu Bach og hefur ítrekað verið tekinn fyrir ölvun á almannafæri síðan skilnaðurinn gekk í gegn.