Biðst afsökunar á ummælum um hroka og heimsku

Háttsettur bandarískur embættismaður baðst í gærkvöld afsökunar á orðum sem hann lét falla á laugardaginn. Hann sagði í viðtali á sjónvarpsstöðinni Al-Jazeera að Bandaríkin hefðu sýnt hroka og heimsku í Írak.

Bæði Repúblikanar og Demókratar í öldungadeild þingsins hvöttu Bush Bandaríkjaforseta í gær til að auka þrýsting á Nouri al-Maliki, forsætisráðherra og sögðu að þrátt fyrir að hann hefði ekki fullkomið vald til að berjast við vaxandi ofbeldi í landinu, þá væri hann engu að síður "besti hesturinn að veðja á" eins og staðan væri.