Nelson handtekinn

Sveitasöngvarinn Willie Nelson hefur bæst í hóp stórstjarna sem hafa komist hefur í kast við lögin að undanförnu. Lögreglan í Lafayette stöðvaði rútu hins 73 ára gamla Nelson og fann þar maríjúana og ofskynjunarsveppi. Lögreglan handtók söngvarann ásamt fjórum öðrum tónlistarmönnum sem voru með í för og má Nelson eiga von á hárri sekt og sex mánaða fangelsi. Maríjúana­reykingar hafa löngum fylgt Nelson og því þarf þessi handtaka ekki að koma neinum á óvart. Í yfirlýsingu frá lögreglunni í Lafayette kemur fram að bæði Nelson og hinir fjórir hafi verið ákaflega samstarfsfúsir, sem kann að reynast þeim dýrmætt þegar kemur að dómsmeðferð.