Tekur við af Cruise

Leikarinn Brad Pitt er hugsanlega að fara að taka hlutverk Tom Cruise í framhaldsmyndinni Mission Impossible en verið er að undir­búa tökur á fjórðu myndinni.

Pitt hefur verið boðið aðalhlutverkið í myndunum og mun það vera annar karakter en Cruise lék í fyrri myndum. Ethan Hunt, karakterinn sem Cruise lék í fyrri myndum, mun ekki koma við sögu í fjórðu myndinni.

Paramount-kvikmyndafyrirtækið sagði nýlega upp samningi sínum við Cruise og mun nú vera búið að bjóða Brad Pitt háa peningasummu ef hann tekur að sér að leika í myndinni.