Áhugi hjá CNN

Erlendir fjölmiðlar hafa sýnt 20 ára afmæli Höfðafundarins og komu Mikhail Gorbatsjov hingað til lands í október mikinn áhuga, þar á meðal CNN og CBS.

Fjöldi blaða, tímarita og sjónvarpsstöðva hafa sýnt afmælinu áhuga og von er stórum hóp fjölmiðlamanna- og kvenna frá þessum miðlum og fer listinn stækkandi.

Undirbúningur komu Gorbatsjov, nóbelsverðlaunahafa, fyrrverandi aðalritara sovéska Kommúnistaflokksins og leiðtoga Sovétríkjanna, til Íslands er nú á lokasprettinum.

Tilgangur ferðar hans hingað er að minnast þess að þann 12. október eru nákvæmlega 20 ár síðan leiðtogafundur Ronald Reagan, fyrrum Bandaríkjaforseta, og Gorbatsjov var haldinn í Höfða.

Af því tilefni mun Gorbatsjov, sem var valinn maður 9. áratugarins af tímaritinu Time, flytja hátíðarfyrirlestur í Háskólabíó þann sama dag.

Fyrirlesturinn er opinn öllum og miðasala er hafin á www.concert.is, midi.is, verslunum Skífunnar og BT úti á landi.