Parker afbrýðissamur

Eva Longoria segir kærasta sinn Tony Parker vera svo afbrýðissaman að hann geti ekki hugsað sér að sjá hana tala við aðra karlmenn. Leikkonan hefur heillað karlpeninginn upp úr skónum með frammistöðu sinni í Aðþrengdum eiginkonum og fær mikla athygli frá kynbræðrum Parker.

Longoria sat nýlega fyrir á forsíðu Maxim þar sem hún var fáklædd í eyðimörkinni. Hann gerir allt sem hann getur til að koma í veg fyrir að ég daðri við aðra menn. Hann sýnir ákveðna líkamlega tjáningu til að láta aðra menn vita að þeir séu að eyða of miklum tíma í mig, sagði Longoria.