Trommarinn hættur

Trommarinn Jon Theodore er hættur í hljómsveitinni The Mars Volta samkvæmt fréttum frá MTV. Í stað hans kemur Blake Fleming, sem var einn af stofnmeðlimum hljómsveitarinnar og trommaði á fyrstu prufuupptökum hennar. The Mars Volta hefur ekki sent frá sér tilkynningu vegna þessa eða gefið kost á viðtölum. Sveitin hefur hins vegar látið þau skilaboð út ganga að ekki komi til frestunar á tónleikaferðalagi hennar með Red Hot Chili Peppers. Útgáfu á breiðskífu hljómsveitarinnar, Amputechture, hefur þó verið frestað fram til 12. september.