Ástrali á Rosenberg

Ástralski tónlistarmaðurinn Peter Uhlenbruch er staddur hér á landi og leikur á tónleikum í kvöld. Peter er 24 ára og kallar sólóverkefni sitt Owls of the Swamp. Hann segist vera undir áhrifum frá tónlistarmönnum á borð við Elliott Smith, Nick Drake og Elbow og ætlar að sýna það í verki á tónleikum á Café Rosenberg í kvöld. Þar kemur hann fram ásamt Mike Pollock. Tónleikarnir hefjast klukkan 22 í kvöld. Áhugasamir geta kynnt sér tónlist Uhlenbruch á heimasíðunni Myspace.com/owlsoftheswamp.