Fúll út í Allen

Fótboltakappanum David Beckham var boðin smáskífa með söngkonunni Lily Allen að gjöf en þvertók fyrir að þiggja hana því Allen hafði verið "hundleiðinleg" við Victoriu, spúsu hans. Beckham var í útvarpsviðtali og bauð spyrill­inn honum geisladiskinn að gjöf.

Haft hefur verið eftir Allen að Victoria Beckham sé slæm fyrir­mynd ungra stúlkna þvi hún eigi greinilega við átröskun að stríða. Beckham segir það bull og þvælu og finnst Victoria líta vel út, "sérstaklega þegar hún klæðir sig í búninginn minn".

Beckham játaði enn fremur í viðtalinu að hann væri vinafár og hefði lítið samband við vini sína úr grunnskóla.