Handverksrúnturinn

Glöggir ferðamenn hafa án efa tekið eftir óvenjulegu ökutæki sem nú þeysir um þjóðveginn. Handverksbíllinn er rækilega merktur og vekur víða furðu en þar er á ferðinni þjónustubifreið fyrir staðbundið handverksfólk. Bíllinn minnir um margt á gömlu kaupfélagsbílana sem keyrðu um sveitir landsins hér á árum áður og má því segja að Handverkshúsið færi okkur aftur gömlu steminguna í bæinn.

Í bílnum eru vélar og verkfæri til steinavinnslu, silfur­smíði, tréútskurðar og trérennslis; klukkur, íhlutir, borar og margt fleira fyrir handverksfólk.

Þorsteinn Eyfjörð, eigandi verslunarinnar Handverkshúsið, segir að bíllinn sé kærkomin þjónusta við ört vaxandi hóp handverksfólks sem geti keypt vörur beint úr bílnum á sínu eigin hlaði ef því er að skipta.

Handverksbíllinn hefur rúntað um Suðurlandið undanfarið en nú er stefnan tekin austur og síðan norður þar sem sumarferð hans endar á Handverkssýningunni á Hrafnagili í Eyjafirði. Frekari upplýsingar má finna hér