Konur í Iðu

Á laugardaginn hélt Edda útgáfa boð til heiðurs rithöfundinum Liz Tuccillo sem kom hingað til landsins um helgina til að rannsaka hegðun einhleypra kvenna hér á landi fyrir næstu bók sína, How to be single. Konur á öllum aldri fjölmenntu í Iðusalinn til að hlusta á handritshöfund sjónvarpsþáttanna Beðmál í borginni eða Sex and the City deila speki sinni með kynsystrum sínum. Eins og sjá má á myndunum voru gestir með bros á vör enda veðrið gott og stemmingin eftir því.