Glæsilegi stripparinn

Hún er þekkt fyrir að vera kærasta rokkarans Marilyn Manson og einnig dansaði hún súludans á helstu og fínustu dansstöðum Hollywood borgar. Þetta er engin önnur en Dita Von Teese. Hún er sannkölluð díva og vekur athygli hvert sem hún fer.

Dita lítur út eins og gömul kvikmyndastjarna frá árunum 1930-1950 enda segist hún sjálf hafa haft áhuga á glamúrlíferni stjarna á borð við Ritu Hayworth, Hedy Lamarr og Betty Grable frá því að hún var lítil stúlka. Hún hefur einnig alltaf haft áhuga á hinum svokölluðu pin up stúlkum sem kalla má fyrstu kynþokkafullu konurnar sem birtust í tímaritum.

Hún er ávallt mjög smekkleg í fallegum kjólum og gerir kvenleikanum góð skil í fatasmekk sínum.