Endurtekur leikinn

Engin lognmolla er í kringum Brad Pitt og Angelinu Jolie. Samkvæmt blaðinu National Enquirer mun Angelina hafa brostið í grát þegar hún kom að Brad í símanum við Jennifer Aniston, sem er eins og kunnugt er fyrrverandi eiginkona hans. Brad segir að símtalið hafi einungis snúist um viðskipti en hann og Jennifer áttu saman framleiðslufyrirtækið Plan B.

Angelina er ekki sátt við að Brad sé í sambandi við Jennifer og mun það hafa verið ein af ástæðunum fyrir því að hún vildi ekki flytjast aftur til Malibu þar sem hann á hús. Margir muna eflaust eftir því þegar Pitt og Aniston skildu en þá kom Jennifer einmitt að manni sínum í símanum við Jolie.