Vilja bætta heimaþjónustu

Landsþing Kvenfélagasambands Íslands var haldið í 34. sinn um síðustu helgi, í Íþróttahöllinni á Akureyri.

Meðal ályktana sem þingið samþykkti var áskorun á sveitarstjórnir landsins að standa við gefin kosningaloforð um að efla heimaþjónustu fyrir aldraðra og öryrkja og efla þjálfun og þekkingu þeirra sem starfa við heimaþjónustu. Í greinargerð fundarins segir: „Með hækkandi meðalaldri þjóðarinnar og þjóðfélagsbreytingum eru sífellt fleiri aldraðir sem búa einir. Allir eru sammála um að aukin og bætt heimaþjónusta sé lykillinn að því að fólk geti haldið heimili meðan heilsa og aðstæður leyfa.“

Þingið bar yfirskriftina: Fjölskylda í nútíð og framtíð, heilsa og forvarnir. Alls sóttu 98 fulltrúar frá öllum kvenfélögum landsins þingið, en kvenfélögin eru um tvö hundruð talsins og starfa í um tuttugu svæðasamböndum.

Forseti Kvenfélagasambandsins til sex ára, Helga Guðmundsdóttir, gaf ekki kost á sér til endurkjörs. Í hennar stað var Sigurlaug Garðarsdóttir kosin forseti sambandsins til næstu þriggja ára. Heiðursgestur þingsins var Merja Siltanen, forseti fjölmennustu kvennasamtaka Finnlands.