Lífvörðurinn látinn

Merrick McDonald, fyrrverandi lífvörður Beckham hjónanna lést á dögunum í bílasprengju í Írak. McDonald var yfirlífvörður hjónanna í tvö ár og í miklu uppáhaldi hjá Victoriu, en hún treysti á hann fullkomlega.

Hann flutti með hjónunum frá Englandi til Madríd og var stoð og stytta Victoriu í flutningunum. Einnig mun McDonald hafa myndað sérstakt samband við eldri syni Beckham, Brooklyn og Romeo. McDonald hætti hjá hjónunum í sumar til að gerast lífvörður hjá bandarísku fyrirtæki í Írak þar sem hann lést í vikunni fyrir utan bíl sinn sem sprakk.

David og Victoria hafa ekki talað um atburðinn opinberleg en samkvæmt heimildum breska blaðsins The Sun syrgja þau hann mjög og hafa haft samband við ekkju hans og tvö börn.